Nim dr d’Zyt…

Verbi isch si jetzt diä schönschti Zyt,
bis zum nächschte März isch ja nümme wyt,

drum nimm dr Zyt zum d’Wermi gniesse,
und  lue mau zue wiä d Aare tuet fliesse,

ununterbrochä, und ohni Pousä,
wiä mir und d’Zyt tuet si eifach witer loufä,

auso blib o mau stah u dänk doch dra,
diä gnaui Zyt wirsch niä ifah,

gniess dä Summer u nimm dr diä Zyt,
denn gli ischs ja scho wieder sowyt.

Bis am 4. März 2017 bim Marsch zu de Stärnä
Euiä Bärner i dr Saggladärnä