D‘ Fasnacht chunnt…

Scho gli isches wieder so wyt, für uns chunnt scho bald die schönschti Zyt,

So nimm dr die Zyt und bis drbi,
We mir wieder dörfe Pfyffe und trummle am Rhy,

Am Rhy entlang dur d’Gässli marschiere,
und d’Steine durab dr Rysläufer zelebriere,

Zelebriere chasch au in Prattele d Fasnacht,
wenns am Sunntig am zwei so richtig kracht,

krache tuets denn bim Schneemaa ersch richtig,
und e Bangg imänä Chäller isch au ganz wichtig,

Wichtig isch aber au mit de Wääge mit z’läufe,
und am Schmittiplatz goh es Bierli oder e Klepfer chäufe,

Chäufe muesch aber das isch doch klar,
e Plagedde vo Prattele am beschte an dr Cüpli-Bar,

Die Cüpli-Bar stoht am Larifari im Foyer,
an dr Vorfasnachtsverastaltig vo de Saggladärne wirsch si scho gseh,

Gsehsch da muesch drbi si bi dere tolle Zyt,
und wie gseit dr Hornig isch au gar nüm wyt,

Drum pack dini Sache und mach di zwäg,
für unsri Fasnacht a de scheeenschte drei Dääg!!!